Les mots surlignés font l'objet d'une note
1Monsegneur, jey receu la votre du XIe sepbre suyvant
2laquelle je vous envoye six aulnes revêche rouge
3que jey payé VII lt X s., ung quart donce soye grisle
4que jey payé III s. VI d. et sept douzeyne et demy bothoné
5que jey payé XVIII s. IX d. Nous achevons ce
6jourdhuy aux Coustes et ne puys estre à Lumbin
7devant demein que despartirey, estant ouvertes les
8portes, tant pour adviser aux vins que de y donner
9quil ne le failhe tirer ceste nuict mesmes
11quil prent grande colleur. Sil vous vient à propoz,
12lon porra commenser audit Lumbin demein de grand
13matin où je me trouverey sil plet à Dieu ;
14et sil ne vous plet, lon porra remectre
15à jeudy affin de myeulx les accoustrer
16et que lon ne soit si fort presser.
17Partout nous avons trouvé aforce vendange.
18Lon vendange à Jarrie où jey envoyé
19lhuyssier Prehault qui en prend
20garde. Lon ne continuera à vendanger à
21huyssier sen yra pour sen prendre aussi
23garde, comme il faisoit ses années passées.
24Je lerray icy Mathieu avec le grangier
25des Granges et des gens pour presser le vin
26dycy, et ne bougera que ne soit faict. Je leur
27lerray aussi Pierre Chaiet, chappuis, qui prepare
28les thoneaulx ; et ayant faict, il me viendra
29trouver à Lumbin pour accoustrer ceulx que y sont,
30et aussi de La Terrasse. Je balhis charge
31au syre Perra de faire mectre deau dans
32les tines et faire retirer les thoneaulx de
33vin blanc dudit Lumbin et de La Terrasse. Je
34ferey porter des bavasses que mandés que
35sont icy et des petites avec des cercles
36que jey achepté. Quest tout ce que je vous
37puis escripre, après avoir prié le Createur,
38Monsegneur, vous avoir en sancté et longue
39vie. Des vignes des Coustes, ce XIe 7bre 1571
40votre humble et obeyssant serviteur
41Jehan de brunel